F1巴林站發生恐怖事件，「冰人」拉哥倫喺第36圈第2次埋站嘅時候，因為車隊出現嚴重錯誤，意外車斷機械師隻腳，最後拉哥倫都要退賽收場。據講當時法拉利工作人員未正確固定好戰車左邊後胎，綠燈就着咗，結果拉哥倫踩油離開，就車斷旁邊機械師隻腳。消息話，機械師送院後證實脛骨同腓骨骨折，法拉利因為不安全畀戰車離開修理站，被罰5萬歐元。法拉利車隊維度爾則奪得巴林站冠軍。