「雙傑」牛一贏波就最開心！
香港東方周四於東南亞職業籃球賽擊敗寶島夢想家後，昨日又再起飛，備戰今日對馬來西亞飛龍的賽事。悉逢3月24日正值助教王家傑（Thomas）及年輕後衞葉俊傑（傑仔）的生日，雖然「牛一」未能陪在家人身邊，但二人的生日願望都是贏波，希望今仗能一舉打敗馬來西亞飛龍。
托利斯深情剖白冧傑仔
在香港東方工作半年的Thomas表示，能夠成為「藍軍」一分子實在相當開心：「呢度好似大家庭一樣，大家相處得非常融洽，每一日大家都為共同目標努力，實在非常難得。我嘅生日願望係香港東方可以成為首支成功衞冕ABL嘅球隊。」
踏入26歲的葉俊傑今季表現愈見上力，提到這位新星，主教練艾度托利斯突然一臉認真，並且叫「傑仔」一定要留心聽以下「深情剖白」：「我好鍾意同傑仔合作，呢位年輕球員態度好好，而且非常聽教，能夠打出教練嘅指令、練習時表現亦相當勤力。我好開心呢兩年見到傑仔有好大進步，無論技術層面、身體力量等等，各方面都保持進步，相信唔使好耐就會見到葉俊傑正選登場，因為佢一定會係香港東方未來嘅重要一員。」聽過教練評價，葉俊傑顯得開心地回應：「可以喺教練同其他隊友身上學習，呢個機會係非常難得，我嘅生日願望就係打敗飛龍，咁就可以開開心心過生日喇！」