爭1哥作客吉隆坡非勝不可 香港東方誓演屠龍
香港東方於東南亞職業籃球聯賽（ABL）要連過3關才能重奪榜首，以換取季後賽主場絕對優勢。日前東方已先過「第1關」，主場擊敗寶島夢想家，今日將迎來第2場關鍵大戰，作客大戰排第8的馬來西亞飛龍，香港東方勢必乘勝追擊，打出王者氣勢！（有線62台、奇妙電視77台周日下午2時30分直播）
上場香港東方在一度領先26分的情況下，最終有驚無險以99比93擊敗寶島夢想家，結束3連敗，成功走出小低潮。該場轟入5個三分球的隊長李琪表示，球隊已從失敗中學習：「我哋上場組織方面做得好咗，其實之前都發現只要傳多啲波，命中率都會提升，今場都希望大家多傳波，球權多變相外投機會都會多。不過，正如之前所講，球隊面對順境時好容易鬆懈，以致早前嘅3連敗同上場對夢想家贏得咁驚險，經過檢討後情況已改善，不過仲可以再做得好啲。」
琪哥教史迪仔放鬆心情
李琪又指，經歷3連敗後，終於激發大家的鬥心：「無論喺訓練、賽前準備定賽後檢討時，大家都集中咗好多。輸波都係好事，可以及早發現問題，加以改善。」這位隊長最近更特別和菲籍亞援史迪赫汀加談到罰球問題：「Chris（史迪赫汀加）係一個完美主義者，可能射失咗一球，就會對佢心理有好大影響。我鼓勵佢放鬆少少，唔好畀自己咁大壓力。其實Chris係隊中博得最多罰球嘅一個，如果佢呢方面表現更穩定，就可以幫球隊搶到好多分。」
常規賽首兩名將直入季後賽4強兼取得主場優勢，目前以13勝5負排第2位的香港東方當然希望拿下對手，成為常規賽王者，餘下兩仗對馬來西亞飛龍及忠信功夫將成為關鍵。總教練艾度托利斯表示：「之前球隊唔喺最佳狀態，要知道衞冕從來唔係一件容易嘅事，今季好多場都要苦戰下先贏到，但我哋會繼續努力，未來兩戰目標要贏，下場一樣都會好難打，但我哋有信心。」
香港東方今季於主場曾擊敗馬來西亞飛龍，對手最近亦接連不敵越南西貢熱火及曼谷吸血鬼，不過東方總教練艾度托利斯強調球隊不能掉以輕心：「對手有3名新球員，成隊同之前唔同晒，我哋一定要集中精神應戰。」
余樂詩 吉隆坡直擊