「富善邨施丹」呂志興27歲起步唔算老
訪問年輕球員常聽到：「球員生涯短暫，依家唔搏等幾時？」，本地足球後起之秀踢出成績後即轉會，甚至把握機會遠飄他鄉外流，少有留港、與球隊同行。和富大埔「老臣子」之一呂志興效力球隊14年，曾與球隊共升降，雖未做到如好友陳旭智般「一生一球會」，但對球隊忠心程度有過之而無不及，是一個真真正正的「綠戰士」。
「細個打前鋒，好鍾意扭波，喺街場扭贏晒其他小朋友，冇人搶到我波。」呂志興年少時是街場霸王，當時被譽為「富善邨施丹」，但他的足球路並未有如施丹般傳奇，先後效力流浪青年軍、入選港青，但一次比賽時韌帶撕裂，無奈退出球壇：「當時係球圈低潮，聽聞我哋呢啲啱啱起步嘅球員人工得千幾蚊，咁啱又受傷，出面踢波啲哥哥就勸我轉行。」
一度傷退轉行跟單員
由球員變成跟單員，常要中港兩地來回穿梭，一星期於區隊訓練兩晚，這個模式「興仔」堅持了七、八年。直至27歲才真真正正成為職業球員，「興仔」卻未感自己起步比其他人遲：「嗰時真係冇諗呢樣嘢喎，可能當時未有自己家庭，諗嘢簡單啲，覺得踢波開心、生活到就得。」眼見與自己同期球員如盧均宜、林嘉緯隨球隊挑戰亞冠盃，新一代又火速冒起，「興仔」卻沒有後悔：「冇話後唔後悔嘅，『均宜』、『嘉緯』比我更堅持，喺球壇冰河時期都一直堅持落去。自己同佢哋故事唔同，我依家工作開心，但係有時會諗，如果當初全情投入足球，成就可能更大。」
效力和富大埔14年
效力大埔14個寒暑，今年34歲的「興仔」為「老」一字寫下新定義：「其實冇話老唔老，真係好睇自己心態，你覺得自己唔得、放棄嘅，廿幾歲都可以老。覺得自己唔老嘅、好有朝氣，仍然想去踢，踢到幾多歲都有機會進步！」心態縱未老，但這位土生土長的「綠戰士」今季因傷未有機會為球隊披甲，今個球季已進入倒數階段，他仍期望為球隊上陣：「我都盡力練習，踢到就踢，自己年紀都大，唔知之後仲有冇機會踢！但我仲好希望可以落場，證明自己仲踢到！」
圖：余樂詩
文：胡恩晴