北上可怕經歷阿仔都唔知

訪問當日，賴羅球還分享了當年的外出比賽經驗：「5‧19，香港贏咗中國，球迷掟嘢落嚟，之後一出球場上巴士，要踎低、閂埋車窗，唔好畀球迷知呢架車係香港隊的，原來呢次係改革開放後第一次暴動。」
賴羅球（右）打高球同樣咁掂。
賴羅球（右）打高球同樣咁掂。

類似的情況賴羅球於同一個月再遇：「亞洲球會盃精工對遼寧，我哋上遼寧瀋陽作客贏埋，場波一吹雞，全隊冇握過手，即刻衝出去上巴士，點知架巴士一開，對面有個公園，開咗公園個大閘，發覺啲球迷喺晒度，諗番轉頭係一個好危險情況。」原來這件事，Jonathan都是當日才知道，還笑說：「佢之前完全無講過畀我聽！」至於問及家明會否希望如父親一樣名震球壇，他表示只想低調度過每一天。

賴羅球（後排右）是「5‧19」之戰的成員。（黑白圖片）
  • 賴羅球（後排右）是「5‧19」之戰的成員。（黑白圖片）