超級愛妻號想入波畀心心

黃志聰在球壇打拚超過10年，但原來仍有一個簡單心願未完成：「入波囉！咁多年嚟我都未有入過波！呢幾年老婆都有入場睇我比賽，我就好羨幕一班年輕球員，入波後整個『心心』慶祝動作畀另一半……我成日喺度諗，如果我能夠入波，成為全場焦點下畀個『心心』佢，答謝咁多年對我付出同埋生咗兩個細路，咁就真係完美！」
黃志聰對妻女愛護有加。
黃志聰對妻女愛護有加。

這位「愛妻號」球員直言經常迷失了自己，都是靠老婆喚醒重回正軌：「最初想轉做職業球員時心大心細，都係靠老婆鼓勵，話我唔踢波就只係會渾噩過日子，我先的起心肝去衝去闖……到咗上季我信心盡失時，又係佢糾正我負面思想。如果無咗Rainbow，我人生就唔會出現彩虹！」

扮「聖誔老人」都冇問題。
  • 扮「聖誔老人」都冇問題。