彭利拿戴帽 理文激和和富大埔

和富大埔香港飛馬爭入決賽

和富大埔上半場開局較順，7分鐘即取得入球，陳曉鋒後上窩利一抽破網先開紀錄。落後的理文「屋漏兼逢連夜雨」，利馬32分鐘被敵衞勾跌傷及腳腕，要由史提芬彭利拿入替。理文上半場攻勢疏落，未能扳平返更衣室。

下半場雙方大踢進攻足球，48分鐘史提芬彭利拿接應角球頂入，為理文追平。及後和富大埔2分鐘內連入兩球，57分鐘先憑理文中堅溫俊「擺老烏」再度領先，之後李嘉耀勁射省中人笠入，比數拉開至3比1。優勢維持了8分鐘起變化，理文67分鐘獲12碼，彭利拿一射破網，他在88分鐘更完成「半場帽子戲法」，窩利抽入死角，理文賽和大埔3比3完成今屆菁英盃。

理文教練馮凱文賽後表示：「今場波係為下仗而戰，我都演練咗個新陣式，發揮還可以。落後3比1時冇放棄，能夠和波對士氣好重要，因為之前打得唔太差，但3場都輸。今仗幾個年輕球員表現好好，或者季尾畀多哋機會佢哋上陣。」