修頓夜戰求反彈香港東方傾力捉鬼

香港東方日前於榜首大戰「Round 2」告負，未能阻止勁敵忠信功夫主場10連勝，目前東方仍以12勝4負（勝率0.75）繼續排榜首，惟5日內3連勝的功夫以13勝5負（勝率0.72）緊隨其後，榜首之爭轉趨緊湊。

隊長李琪上仗賽後直言球隊爭勝決心未夠，並需要加強防守，在餘下4場常規賽會傾力爭取全勝：「除防守要加強外，控制籃板方面亦要改善。『Box out』少咗，變相人哋好多球都衝入嚟搶籃板，有幾個攻勢人哋連續兩次搶到添、包括埋進攻籃板。呢個問題唔係今場先發生，真係要針對性改善。另外爭勝心亦嫌未夠，可能球隊上半季太順，同人哋比仲差啲決心，最緊要我哋從敗仗中知道自己嘅弱點，唔使去到季後賽先嚟補救。現時前4勝率好近，嚟緊4場常規賽目標要贏晒！」

徐遠成：不斷睇片了解對手

香港東方今場對手曼谷吸血鬼上輪同樣不敵忠信功夫，目前以12勝6負（勝率0.66）排常規賽第3位。東方後衞徐遠成表示：「連輸兩場確實令人沮喪，但我哋會從錯誤中學習，依家上下一心為今場而戰。6日訓練營令球隊默契愈嚟愈好，自己亦都專注保持狀態，不斷睇片了解其他球隊，希望可以喺防守上有改善。」