「龍仔」發威朱志光：唔驚訝！
傑志主教練朱志光於今屆亞冠盃不時給予鄭展龍上陣機會，朱Sir透露「龍仔」自12歲在青年軍時已隨他訓練，因此兩人互相信任，對他的突出表現並不感到驚訝：「當然佢射入關鍵入球，我好開心！佢12歲已經跟我，我好清楚佢能力，兩個人嘅信任唔使多講，互相對大家都有信心。有啲人話佢返傑志會冇得踢，但佢知道我會畀機會佢，叫佢熱身落場都好聽話，今場睇佢眼神就知道佢有信心，所以射入呢球我一啲都唔驚訝！」
帶領「藍鳥」創下歷史，取得香港球會於亞冠盃改制後的首場勝仗，不過朱Sir指過程絕不容易，球隊由大比數落敗引致信心動搖，到昨日跟得上水平及防守節奏，他為此感到高興，並承諾會不斷進步：「經過今場勝利，球員信心增加唔少，但實際上餘下兩場搶分仍有難度。我承諾球隊未來會不斷進步，相信始終有一日，傑志可以挑戰亞洲列強。」