香港隊重奪省港盃！
「第40屆省港盃」激情落幕！帶着首回合2球優勢的香港隊，昨午揮軍廣東省人民體育場進行次回合賽事，面對有盧琳歸隊的廣東隊，法定時間以0比2見負，總比數踢成2比2要加時再分高下。此時香港隊展現頑強鬥志，以「血肉長城」死守至互射12碼，最終更憑袁皓俊2度撲救，以4比2勝出，繼2013年後港隊重奪省港盃！
回到主場的廣東隊在盧琳歸隊後實力大增，這位廣東隊隊長於開賽9分鐘便給隊友製造了入球機會，惟他傳予涂東旭近射僅中網側。廣東隊於上半場雖然佔大部份攻勢，但多次長傳肖智均被徐宏傑頂走，而涂東旭戰至30分鐘的頭槌亦被袁皓俊接實。廣東隊戰至40分鐘搏得一記12碼，盧琳於禁區被翟廷峯踢跌，並親自操刀射入12碼，將總比數拉近至1比2完半場。
盧琳宴客英雄變罪人
港隊下半場在徐宏傑因傷退下火線下持續受壓，結果廣東隊戰至69分鐘，由後備上陣的梁學銘接應肖智妙傳近射得手，將總比數追至2比2，令賽事進入加時階段。儘管廣東隊在30分鐘的加時期間不乏攻勢，幸港隊眾將咬緊牙關全力頑抗，最終雙方未再增添紀錄，要互射12碼分勝負。
今仗為廣東隊開紀錄的盧琳，首輪主射即被袁皓俊救出，雖然港隊隨後有卓耀國宴客，幸好到第3輪袁皓俊再度挺身而出，將楊超聲的射門撲出，其後港將黃梓浩及謝朗軒頂住壓力射入，助港隊互射12碼以4比2勝出，總比數以6比4擊敗廣東隊奪冠，於2013年後再次捧走省港盃。
門神袁皓俊︰唔想畀人「睇死」
賽後贏波功臣之一的門將袁皓俊顯得相當激動，直言在過程中成長不少：「過往只係後備球員，但正正係咁，喺各方面先有經驗得以適應，例如作客氣氛、球證執法等等。」他更指球隊在落後2球時仍有動力捱下去，全因球隊上下都不想被人「睇死」，希望以省港盃錦標為年輕一代爭一口氣。
何彥霆 廣州直擊