和富大埔前隊長陳旭智今季升任助教，與「堅Sir」相識多年，大讚對方管理球隊有其獨特方法：「我當年踢U15已經認識『堅Sir』，我記得佢管理係嚴嘅，唔准啲小球員飲可樂，認為對球員唔好，好似呢啲細節位佢都會睇到。佢帶領職業球隊，工作時真係好認真，但係練完波又會同我哋打機、食飯、講笑，『工作時工作，遊戲時遊戲』！」
同為大埔人的呂志興，效力球隊多年，一直默默為球會工作，亦佩服「堅Sir」領軍的風格：「上年第一年同呢個新組合夾，就攞到菁英盃冠軍，真係好開心！『堅Sir』管理球隊係有啲方法嘅，希望今年球隊上下都可以做得更好！」