問及馮嘉奇有何「奇招」推動球市時，他直言本地波賭博合法化是其中一種方法：「我唔係鼓吹賭波，但我喺英國親身經歷過，點解人哋咁蓬勃，都因為賭！好似佢哋球場入面一塊廣告版已經值10萬，咁啱兩年前我喺香港搞個英超大師賽，有賭波公司開出10萬蚊嘅廣告板贊助，但因香港法例而告吹。」
馮奇續指：「早排足總安排咗個講座，搵咗同55間全球賭波公司作研究嘅SPORTRADAR主講，佢哋就指出港超聯喺全球總投注額高達18億，即係平均每場有2,560萬！我就諗如果有一成現金流入返香港，每場做莊嘅賽馬會可資助10萬、8萬一場畀番球隊，咁樣球員人工自然可以高啲，亦會全心全意去踢足球！我想講嘅係，呢個世界已經確確實實有人賭緊港超，大家唔應該當無事發生，反而要正面啲去睇，點樣規範化而令到香港球壇得益！」