陽光元朗加時贏和富大埔

開賽10分鐘大埔有梁冠聰右路斬至底線，惟無人接應，之後黃威及伊高沙托尼（前譯伊高沙杜尼）攻門均被法比奧大腳解圍。34分鐘大埔先開紀錄，黃威開出角球由艾華度門前撞入，戰至41分鐘元朗追和，姚浩明主射罰球破網，雙方半場踢成1比1。

易邊後大埔加強攻勢，但元朗在63分鐘博得12碼，雲迪奴域主射得手助球隊反先2比1，大埔於86分鐘追和，伊高沙托尼禁區內大腳抽入遠柱，賽事要進入加時。元朗此時愈戰愈勇，加時3分鐘便憑艾華頓勁射得手再次領先，26分鐘雲迪奴域乘李瀚灝出迎射入空龍，陽光元朗守住4比2勝果至完場，晉級4強將對傑志。

4強對傑志 達Sir望「偷到雞」

賽後元朗主教練曾昭達（達Sir）稱球員士氣是致勝關鍵：「整隊踢出鬥心，人腳定不及對手，但每人跑多步終獲勝。好感謝球員同老闆支持，對傑志肯定難踢，部署上將做多啲希望『偷到雞』。」