在球隊中，梁智駒這個CEO深受職球員愛戴；球隊以外，他同樣以CEO這個身份，令他大受球圈中好友和他們的子女歡迎。介紹番！「CEO」，Children Entertainment Organiser。
工作時工作，遊戲時遊戲，平日工作態度認真的梁智駒，與友人玩樂時，永遠是最狂野、最盡情的一個。這點不僅令「阿駒」受同輩歡迎，亦令他成為楊正光、梁子駿、張健峰、李思明和陳偉豪等好友的子女，心目中的「萬人迷」。
由於感情生活長期空白（他自己表示），「阿駒」這位「CEO」平日十分得閒，不時主動或應邀出任保母，接上述好友的子女放學，或為他們在課餘安排節目。有圖有真相，大家看相便知這位「CEO」人氣有多高企喇！「我踢波嗰陣成日幻想有一日，可以拖住自己嘅仔女入場，之後再為佢哋入球，可惜退役到依家，都仲未有女人肯嫁我，咁惟有將我啲愛心，分畀老友嘅仔女囉，一樣嘅啫！『大頭』，使唔使我分啲畀你？」吓？唔使客氣喇啩！