冠忠南區陽光元朗 巴士打吡打甩髀

港超聯今明兩日上演5場激戰,東網全程直播!今日先迎來兩場話題之戰,頭場「巴士打吡」兼「地區打吡」,由冠忠南區於香港仔運動場迎戰陽光元朗;至於尾場則由兩隊不敗之師對決,傑志主場旺角大球場硬撼和富大埔。嘜實東網,球迷自然過足癮!

今日頭場冠忠南區主場對陽光元朗,上仗作客夢想FC以2比4落敗的南區,除陸志豪因私務要返加拿大避戰外,可夫添出擊。主教練鄭兆聰表示已吸取教訓,並已在過去兩周的休戰期為球隊進行適當的操練及修正:「對夢想嗰場估唔到會失4球波,因為球隊防守向來好穩陣,上場波有啲個別嘅犯錯。球隊亦有開會討論同去改善,期望呢場會做番好啲。因為呢場屬打吡戰,球隊贏波決心好大,個個都準備就緒,只得一個目標,就係贏波!」

曾昭達:發揮部署力求3分

今季分別以1比0小勝理文及標準流浪的陽光元朗,目前跟冠忠南區同得6分,但比對方少賽1場。雖然球隊今季入球數字偏低,但主教練曾昭達強調球員能夠做到賽前部署,才是勝利的關鍵:「球隊狀況唔錯,今季幾場波都製造咗唔少機會,不過比賽期間,都會有好多唔同因素影響球賽發展。南區主場表現嘅氣勢比較強,所以要做好準備同部署。雖然今場係打吡,但唔想畀球員額外壓力,希望佢哋發揮部署攞晒3分。」

(on.cc東網周六下午2時30分直播)