賽事花絮：星級觀眾入場睇王薔

昨日保誠網賽進入女單、雙打的最後階段，比賽戲碼亦相當吸引，結果吸引多名球迷入場睇波，當中就包括歌手陳奕迅、梁漢文及「Iron man」郭偉亮，3人齊齊入場睇靚女王薔對施杜素的賽事，期間有講有笑之餘，仲不時拍掌叫好，認真夠投入！

女雙頭號種子「詹氏姊妹花」詹詠然、詹皓晴強勢殺入決賽！四強面對日本組合穗積繪莉、加藤未唯，首盤輕鬆先贏6比1，但第二盤被對手以7比6扳回一城，決勝盤更要進入「搶十」，最後詹氏姊妹以10比2勝出，總盤數贏2比1晉級，只差一步就能成功衞冕。