直播Happy Saturday最啱睇好波

求破和富大埔不敗身 理文激搶3連W

繼早前在聯賽以3比2擊敗東方龍獅後，理文在高級組銀牌亦有不俗表現，上仗憑着域陀及盧斯安奴的入球，以2比1小勝R&F富力進身賽事8強。球隊今仗仍有韓籍中堅孫民哲因傷缺陣，面對於聯賽未嘗1敗的和富大埔，領隊馮嘉奇特別提醒球員不可鬆懈。

馮嘉奇：最大敵人係自己

馮嘉奇說：「球員慢慢知道點樣合作，去執行教練團所要求嘅踢法。球員要時間融入球隊，唔係一時三刻嘅事。希望佢哋每場都當對手係強隊咁看待，唔好因為僥倖得勝有所放鬆，大埔嘅實力的確不容忽視，但理文最大嘅敵人係自己。至於孫民哲目前大約只得7成狀態，始終聯賽係長途戰，會以球員嘅健康情況為先，唔會太過冒險。」

東方龍獅前鋒 古高	理文士哥拿 利馬	香港飛馬中場 艾華

和富大埔首戰在10人應戰下被夢想FC逼和，但隨後兩場聯賽分別以3比1反勝東方龍獅，以及以3比0淨勝標準流浪，聯賽首3仗得7分，與香港飛馬及衞冕的傑志同分，只因尚未有對賽成績排第3位。然而，球隊目前仍有迪亞高、翟廷峯、謝家強及呂志興等眾多傷兵仍未能復出，主教練李志堅表示面對傷患是球隊目前最大難題︰「球隊有2勝1和戰績，唔可以用唔滿意嚟形容，不過的確有好多進步空間，始終球隊持續出現好多傷兵，由球季開始至今都未能『夫添』出擊，對球隊好大影響。對手理文亦逐漸找到贏波方法，加上今季各支球隊實力平均，所以都要小心應付。」

迎東方龍獅 香港飛馬再開Turbo

香港飛馬於港超開季連贏兩場，分別以1比0及3比2擊敗冠忠南區和R&F富力，上仗於主場迎戰衞冕的傑志，一度於完場前憑援將查維斯的入球領先，惟戰至補時階段才告失守未能全取3分，不過距離季前定下4戰8分的目標仍有機會達到。

司徒Sir：最緊要打起信心

香港飛馬主帥楊正光表示：「球隊開局非常唔錯，依家要諗嘅係點樣維持或者提升。喺聯賽得到好成績，就要喺安排人腳、配搭同狀態上下工夫。過咗呢3場波，教練團作出總結，務求令球員持續有最好嘅發揮。始終東方龍獅開季輸咗幾場，佢哋要爭取第一場勝利，無形中會有壓力，不過我會同球員講，只要保持平時一貫嘅踢法同心態，做好自己本分就可以。」

上周社區盃東方龍獅以1比2僅敗傑志，令球隊陷入季初連敗4場的低潮。然而，主教練司徒文俊賽後表示，球隊落後下扳平，表現已有改變，我對球員能力投下信任一票，佢哋只係因為開季不順令信心動搖。「司徒Sir」亦透露，他會從訓練方式上着手，務求增強眾將信心，同時亦會跟球員傾談，了解他們想法及遇到的困難，幫助他們紓緩壓力，經過社區盃一役，有信心球隊能夠重返正軌。

本周賽程

9月30日（六）

理文 Vs 和富大埔

將軍澳運動場 下午2時30分

$80、$30（特惠票）

香港飛馬 Vs 東方龍獅

香港大球場 下午5時30分

$80、$30（特惠票）

10月1日（日）

標準流浪 Vs 陽光元朗

深水埗運動場 下午2時30分

$80、$30（特惠票）

夢想ＦＣ Vs 冠忠南區

青衣運動場 下午5時30分

$60、$20（特惠票）