老竇私人醒：唔夠霸氣畀人撞死！
想當年黃金福雖然身形不高大，但卻憑藉一股狠勁，令胡國雄、鍾楚維、劉榮業、「耶蘇」居里也顧忌三分！如今兒子黃子揚身形高大，黃金福反而嫌他霸氣不足：「佢只係遺傳到我嘅天分，但打波嘅性格一啲都唔似！佢咁靜，得個高字，我係前鋒都唔驚佢啦，實撞死佢！」但Oscar卻有相反意見：「阿爸成日叫我踢波狼死啲，我已經好狼o架喇，只係唔夠老竇咁狼啫！」
潘廣德預言Oscar必成大器
現為「亞洲守門員訓練中心」主教練的前港甲門將潘廣德，是黃金福的世姪，他亦對子揚寄予厚望：「近呢幾年香港已經好少有身高差不多1米9嘅門將，所以佢絕對係好材料！雖然Oscar較遲起步，但經驗可以累積、技術可以鍛煉，相信經過喺較多上陣機會嘅標準流浪浸多幾年，必定可成大器！」