傑志夢想FC旺角場惡戰
「中銀人壽香港超級聯賽」今上演兩場賽事，尾場由衞冕的傑志於旺角大球場迎戰新軍夢想FC，在揭幕戰勝東方龍獅的傑志，乘勇撲擊由不少年輕球員組成，並在首輪賽事逼和和富大埔的夢想FC，傑志多位港腳踢畢亞洲盃後或露疲態，夢想FC隨時有機會再搶分成功！
（東網on.cc周日下午5時30分直播）
朱志光：睇狀態決定正選
傑志上周末在多達6位球員入選港隊出戰亞洲盃外圍賽的情況下，跟理文進行拍跳落敗1比2，至於港隊作客馬六甲一仗，除門將王振鵬沒上陣外，其餘「傑志5子」林嘉緯及黃洋分別踢了68及86分鐘，艾里奧、艾力士及辛祖更踢足90分鐘。傑志主教練朱志光表示除保連奴外並無傷兵，但要視乎一眾大港腳的狀態，才決定今仗正選陣容︰「上周二晚港隊打波，始終我哋有好多球員踢足90分鐘，今仗要視乎球員恢復情況作出唔同安排或準備，一班港腳狀態唔使懷疑，但佢哋要爭取時間回氣，其他球員喺國際賽期間冇正式比賽，所以要喺兩者之中取平衡。」
梁志榮：最緊要打出部署
在首輪賽事於和富大埔身上搶得1分的夢想ＦＣ，目前除羅梓駿外並無傷兵，惟鄭展龍於日前曾經中暑，今仗可能先作後備。夢想ＦＣ主教練梁志榮表示，對上仗表現感滿意，並強調不會給陣中年輕球員壓力︰「年輕球員上仗冇怯場，成功做到部署。我唔會畀壓力佢哋，壓力喺對手身上，只要盡力同做好紀律及部署就可以，呢場如果贏波甚至打和，都係一個bonus！」夢想ＦＣ隊長陳偉豪亦大讚後輩︰「始終球隊新埋班，陣中近半球員冇港超經驗，佢哋需要時間適應，但我有信心，佢哋都好有質素同練波態度積極。今場肯定唔易踢，但只要服從教練指示盡量表現自己，我相信會有好嘅效果。」