運動員的成功，除了靠自己天賦及努力，身邊人的支持亦不能缺少。「兆華」身邊不乏支持他的人，當中亦師亦友的教練譚偉洋可謂其最強後盾：「籃球路上事無大小都會請教佢意見，好感謝佢一直畀機會我，冇譚偉洋就冇今日嘅梁兆華！」
兩師徒今夏拍住上出征「兆華」第一次，亦是最後一次的世界大學運動會，今次大專邀請賽決賽將成為兩人的最後探戈：「大專邀請賽決賽相信係我哋最後一次以師徒身份出戰，會特別珍惜同教練並肩作戰嘅時光。」「兆華」更揚言今仗將使出渾身解數爆Seed，希望打出一場令教練滿意的比賽！