梁兆華求完美告別

現年23歲的「兆華」效力甲一班霸南華，助球隊以全勝姿態橫掃本地聯賽各項冠軍，度過超豐收一年：「算係大滿貫，無諗過會贏晒聯賽，始終甲一對手好強，如永倫及東方龍獅等，但真係好幸運場場贏，連最危險嘅總決賽game 1都贏到，所以今年真係特別順利。」

少一份輕狂 多一份責任

走過順利的一年，同時亦是大學最後一年。轉眼披起理大球衣4年，今年與「南華孖寶」之一的蔡再懃，帶領師弟出戰亞洲大學生籃球邀請賽，本以為是大專籃球生涯終點一戰。誰知突然從天而降的「Jordan Brand Invitational大專邀請賽」，令他可再與理大隊友並肩戰最後一仗。「兆華」以大師兄身份領軍，帶領理大以全勝姿態走上決賽舞台，硬撼香港教育大學。即將畢業離隊，「兆華」自覺心態有變，減少了年少輕狂，卻多了份責任：「以前想打多啲搶分或做好防守，但知道快畢業，打得多都無意思，反而希望師弟們多啲機會出場攞經驗。」大師兄當然有大師兄的氣場，但「兆華」謂留低的都是一份心意：「平時訓練會惡啲，練習時對抗性大啲，希望令佢哋態度轉變唔再玩玩下，hea過練習時間。」

放大圖片	梁兆華（右）帶領理大闖入決賽。

告別戰希望有圓滿結局乃人之常情，「兆華」表示今仗不容有失，「長勝軍」理大坐擁「南華雙槍」梁兆華和蔡再懃、南青控衞黃律堯及遊協中鋒盧致誠4位甲一球員的「金鑽陣容」，「兆華」承認球隊無論質素或經驗都優於教大，但一眾球員自6月起回到各自球會練習，擔心默契有變。

參戰世大運助培養默契

在剛過去的世界大學運動會，港籃大軍中便有7位理大戰將，「兆華」指世大運經驗對備戰今次決賽甚有得着：「始終歐洲球員身形較高大，必須智取，唔似喺香港比賽，靠身高優勢取勝。」「兆華」更稱一班參戰世大運的「理大兵」已在台灣把默契練回來，集中火力打漂亮一仗！

圖：司徒子文

文：胡恩晴