轉為澳門效力 頻撲兩邊走林毅東：係要犧牲吓
現為澳門足球代表的林毅東，曾代表香港U19，於2013年入選過香港東亞運代表隊初選名單。不時即日來回港澳的「阿東」稱：「感受緊嘉恆（梁嘉恆）讀大學嗰陣來回港澳嗰段時間。」 但「阿東」指值得：「要去試一樣嘢，就一定要犧牲！」
多得梁嘉恆「扯紅線」
在港長大的林毅東指代表澳門屬機緣巧合，效力和富大埔期間認識來自澳門的梁嘉恆，當時向「嘉恆」笑說：「不如澳門隊搵我嚟踢吓啦。」今年暑假「阿東」跟隨梁嘉恆到澳門跟操，繼而獲徵召。「阿東」坦言難決定：「我始終唔係喺澳門長大，讀書同做嘢都喺香港，突然間話代表澳門。但係又唔可以講同澳門冇關係，我每年都會返去同親戚玩，又會留喺度住。」即將與舊隊友對陣，「阿東」明言不會留力：「力我真係唔會留，睇吓自己可以去到邊，希望大家都唔好留手。」
前天水圍飛馬主帥、澳門隊主教練陳曉明則讚揚「阿東」態度：「由於佢唔喺澳門定居，每次練習都自發即日來回香港和澳門，表現出對球員身份嘅尊重。」