今次入選港隊出戰港澳埠際賽的謝德謙，去季曾創下聯賽884分鐘不失球紀錄，雖然目前無緣入選大港腳，不過「阿謙」仍未氣餒，並勉勵一眾隊友們表現自己：「對上一次踢港澳埠際賽已經係07年嘅事。今次難得有個正選機會，除咗要睇住班年輕球員之外，自己都想踢得好啲，去爭取表現，畀大家睇到其實我哋呢班球員都有實力踢香港隊！」
對於一班較年輕的師弟，謝德謙亦對他們給予高度評價：「呢班隊友好勤力，有好多人話年輕球員態度比較懶散，但我覺得佢哋係積極嘅一群，我覺得佢哋無論技術同態度上都相當之好，加上友賽表現正面，我對今仗極有信心。」