元朗兵黃晉軒加操爭表現
早前獲港超球隊元朗由青年軍提升上一隊的黃晉軒（Hinson），以及大埔青年軍熊健沂（熊仔），今次亦有份參與「賽馬會青少年足球精英匯」，兩人均表示會盡力爭取好表現。
從青年軍一躍升上港超球隊的黃晉軒表示：「依家同職業足球員一齊操練，發現自己不足，例如身體質素、對抗性同速度等都有待改善。我要提高對自己嘅要求，喺操練後再自行加操，爭取進步。喺元朗一隊日常操練嘅經驗，對我應付呢場比賽有幫助，將心態同節奏帶嚟呢度，爭取更好嘅表現。 」
至於目前效力大埔青年軍的「熊仔」則表示，雖然一眾來自不同地區球隊的青年軍經過遴選後，在溝通或默契上或有待磨合，但仍會盡力團結合力踢好波：「有時可能會有不同意見，但我哋會多啲溝通，嘗試改變。我哋喺WhatsApp設立群組，令隊友間建立友誼。」熊健沂亦指，是次備戰的訓練強度，是他體驗過最強的：「訓練時間長咗，練習內容亦比較深入。球隊開會睇過對手片段，亦有針對部署，最重要係要避免受傷同爭取時間休息。」
對於今次計劃的期望，Hinson希望透過比賽了解香港和外地足球的差距：「雖然賽前一定會感到緊張，但亦因為咁，會更加認真同集中應付備戰。我相信對手踢法會較為進取，但喺家人同朋友嘅支持下，仍然充滿信心。」