慢活感受香港表弟畏高卡特冇得坐纜車

NBA球星卡特日前出席姚基金慈善賽後，昨日終於有私人時間，事隔15年再臨香港，當然四出去觀光。不過現年40歲的卡特，未有去夜蒲玩天光，或到人多的地方「鬥逼」，反而選擇一些靜態活動，以「慢活」感受香港。

昨日一大早，卡特已展開「香港之旅」，他聯同易建聯、姚明等，到上水香港哥爾夫球會打golf。三位球星當中，只有姚明未打完18個洞就提早離場。比賽途中，易建聯不時面露笑容，神情輕鬆，反而卡特就似乎略有疲態，完成比賽之後就離開。

之後卡特就與同行的表弟現身九龍站，到「天際100」遊覽。細問之下，原本卡特最想去坐「昂坪360」纜車，欣賞大嶼山景色，但由於表弟畏高，最後只能「轉場」到「天際100」睇維港，為香港之行留下一個小遺憾。