向柏榮征戰東京爭外卡
適逢世界ShootBoxing總會與中國香港綜合搏擊運動總會（MCSF）結盟，並將會於今年12月在香港舉行拳王戰，自去年10月復出後一直未再有出戰的「轟炸機」向柏榮，決定向高難度挑戰，先於本月6日在東京為拳王戰的「外卡」而奮鬥，爭取打入9月和10月在東京舉行的主賽圈，再以主場挑戰者身份亮相12月的拳王戰。
愛兒籽羲作最強後盾
為支持愛兒「籽羲」出賽，去年10月在「第6屆TAFISA國際運動會」低調復出的「向師傅」，個多月前決定為MCSF而戰後，便開始積極操拳，並成功減掉8公斤有多，對能以最佳狀態出席8月6日的外卡戰，充滿信心。「減磅唔係問題，依家心情係期待但唔緊張，畢竟同樣備戰過程，喺我一生中已經出現好多次。由於係爭『外卡』，預咗對手會係後生嘅新人，所以冇準備同對方鬥體能、比速度，我會用36歲拳手先會擁有嘅嘢嚟同佢鍊過！」「向師傅」淡淡然道。
「向師傅」上一次為支持愛兒出戰，今次輪到愛兒支持爸爸，新學年將在林大輝中學升讀中一的向籽羲，將陪同爸爸和兩位師兄弟征戰東瀛。「同爸爸一齊出賽嘅感覺好特別，我會好好惜珍每一個機會，我哋會一齊努力。」因打擂台旳經歷而成長了不少的「籽羲」說。