夢想FC小將殺人球場中招

夢想FC後衞（黃衫）包圍香港飛馬鍾偉強。

昨日這場友賽分為3節、每節30分鐘進行。香港飛馬與夢想FC互有攻守下，未有製造太多具威脅的攻門，結果飛馬憑塞爾維亞前鋒伊高在第一節尾段於禁區邊快射得手，取得今仗唯一入球。另邊廂夢想FC守衞羅梓駿於比賽中段，與對手碰撞後倒地，發現右手手臂骨折，要召救護車到場立即送院治理。

過往作為標準流浪主場的九龍灣公園，曾有不少球員在此地受傷或重創，故被外界稱為「殺人球場」，當中「苦主」包括因膝傷而提早收咧的夏志明、肩膊脫臼的前元朗射手吉武剛，以及在操練時「拗柴」的麥保美等等。

香港飛馬伊高（右）射入全場唯一入球。

夢想FC羅梓駿右手骨折，慘成「殺人球場」苦主之一。

梁志榮︰轉用真草可能好啲

夢想FC主教練梁志榮賽後表示，對九龍灣公園球場採用的仿真草有所保留：「意外啲嘢冇得怪邊個，但呢個場周不時都有事發生，如果轉番用真草可能會好啲！」「細榮」又指，今仗繼續以試陣為主，而羅梓駿的傷勢仍有待確定，初步估計他最少休息一個月，但強調如情況不太嚴重，仍會安排他隨隊到泰國集訓。球隊本周四將同東方龍獅拍跳，友賽翌日即赴濠江再鬥澳門代表隊。

至於香港飛馬主教練楊正光則指，球隊在攻守方面仍有一定進步空間，再加上隊中的香港U22代表隊成員較遲歸隊，期望球隊在泰國集訓可以磨合出更佳效果。