元朗友賽贏夢想FC
剛於上周五宣布簽下巴西中堅拉斯達的港超聯球隊元朗，昨在天水圍天業路足球場跟夢想FC進行友賽，元朗憑新加盟的艾華頓梅開二度，以4比1取得首場熱身賽勝利，主教練曾昭達（達Sir）滿意球隊表現。
是場友賽分3節進行，每節30分鐘，夢想FC於比賽初段雖有較多控球及機會，但元朗戰至20分鐘由法比奧頭槌接應角球先開紀錄。落後的夢想FC在第2節中段時將全隊換出，結果到第3節元朗新兵艾華頓兩度個人突破得手，4分鐘內連入兩球。為元朗後備上陣的青年軍成員李鍶泓，則在比賽尾段接應雲迪奴域右路橫傳射成4比0，夢想FC於完場前由祖亞昆破蛋。
「達Sir」賽後稱：「球隊發揮得好，不過賽果就唔會太着重。今日天氣好熱，大家都好辛苦。球隊氣氛好好，希望可延續落去。艾華頓速度夠快，令進攻變化大咗，希望嚟緊可以磨合出更好效果。」
梁志榮：比數唔太重要
夢想FC主教練梁志榮同樣表示友賽比數不太重要：「賽前已經同球員講過，友賽紀錄唔太重要。最主要係畀球員了解隊友嘅長處同短處，從而提升狀態同默契。」