Marco場上場下有排忙
闖過20年的關口，球迷下一個問題，顯然是「傅家俊的桌球生涯還會有下一個20年嗎？」對於自己的未來，Marco亦未敢「寫包單」：「我冇定下退休時間表，希望自己50歲都打得，但如果有一日，我對桌球失去熱愛，又或者水平達唔到世界最頂級，我相信就係時候退出。」現時Marco在比賽以外亦不斷嘗試新事物，似乎就算退休，他亦可以大有所為：「未來想試唔同嘢，但都會集中於桌球方面，出自傳《147人生》同拍電視節目都係例子。我好開心有自己嘅節目，其實訪問人唔係想像中咁難，我都學到好多嘢。不過我同家人相處時間偏少，兩個囡囡呢個年紀最需要我同佢哋玩，都希望花多啲時間喺囡囡同老婆身上。」
盼香港舉辦排名賽
香港世界桌球大師賽將於明天起舉行，Marco亦期望借今次賽事，為將來在港舉辦排名賽鋪路：「香港已經有舉辦國際桌球比賽經驗，由今次球迷反應嘅熱烈程度睇得出，桌球係好受歡迎，希望可以吸引更多贊助，將來可以有個真正屬於香港排名賽。」Marco退休與否，仍屬未知之數，但有一點可以肯定的是，無論在場上或是場下，他未來都會繼續為香港桌球出一分力。