利物浦水晶宮壓軸激鬥

（Now 621周三晚8時30分直播）

對球迷有求必應的利物浦，來港前分別於上周三（12日）及周五（14日）跟燦美爾及韋根拍跳，新兵穆罕默德沙拿更於周五對韋根一仗取得入球。值得留意的是，領隊高普在該兩仗均安排在上、下半場以完全不同的陣容出戰，讓各球員均有上陣機會。

利物浦今次大軍除沙迪奧文尼、丹尼艾格斯及馬馬度沙高需要留在英國養傷而缺席，及安利簡恩因出戰洲際盃獲准延長假期外，其他主力均悉數來港，高普表示雖然新季英超第二輪便會遇上水晶宮，但強調球隊的季前準備工作不會受影響，並指現距開季仍有一段時間，似暗示今仗出人會一如之前兩場熱身賽般。被問及會否擔心大球場會因連日天雨，再次變成2013年英超挑戰盃時的「大爛場」，見慣大場面的高普也「口窒窒」：「呢個（球場）係一大憂慮，但我可以講乜？我係一個領隊，我關心球賽嘅質素，而球賽質素會受到好多嘢影響，球場非常重要，但如果球場情況真係好壞，我都無能為力，即管睇下到時情況係點。踢波係要適應唔同環境同天氣，所有球隊都一樣，我希望一切OK。」

利物浦門將昨晚冒着大雨操練。	昨日發出黃雨警報，但利物浦眾將仍積極備戰。	利物浦中場 菲臘比古天奴

法蘭迪保亞豪言為捧盃而來

至於水晶宮方面，根據球會官網消息，早前公布的25人大軍中分別有中場麥亞瑟及李青龍受傷，但獲車路士外借的羅夫度斯卓克有望首次為「老鷹」披甲。領隊法蘭迪保亞表示，預料今場將會極為體力化：「這將會是我們過去兩周半操練及部署的考驗，要在這方面持續改進是非常關鍵，尤其面對如此強大的對手。」

水晶宮射手 韋費特沙夏

高普尋日接受訪問時坦言擔心球場問題。

法蘭迪保亞來港前表示參賽是為捧盃，但今晚要先過利物浦一關。兩隊上季在英超鬥得燦爛，利物浦首循環作客4比2擊敗水晶宮，惟次循環「紅軍」卻在主場1比2輸波。