「紅軍」忠粉FB打氣倍添力量！球迷是球隊奮鬥進步的一大動力，為回饋Fans支持，南華舉辦了為「最愛南華球員打氣」的有獎遊戲，其中一位梁兆華粉絲Chung Chiu更自創打油詩撐偶像，夠晒心思確實抵讚！
遊戲自周日推出以來反應十分踴躍，大批球迷到scaa basketball facebook專頁為「最愛」加油，由於南華粒粒皆星，眾人的留言亦各具創意及特色，得獎的5名粉絲，各獲決賽「紅黃大戰」首回合波飛兩張、南華togetherwesoar T-shirt 2件及南華限量珍藏版postcard一套，令人非常羡慕！其中一名得獎者Chung Chiu留言：「兆華今季最出色，三分Rebound好稱職，又夾隊友打fast break，比賽投入佢最激！」
而Stanley Chan Hon Wah則為「阿懃」打氣：「南華全隊都加油，同永倫打出一場超超超精彩的世紀之戰，使更多香港人關注本地籃球，老中青都來入場支持你哋。蔡再懃港版法拉利，加油！希望你喺決賽繼續有好表現！」至於Simon Ho最撐惠龍兒：「Duncan無悔拚盡！多年的苦練，留下的汗水就係要帶領南華再次稱霸甲一！之後誓要打入CBA，印證自己的夢想！闖出自己的新方向！」