冠軍夢只差一步蔡再懃High爆
南華打入甲一總冠軍戰，蔡再懃向個人首枚冠軍指環進發！曾奪甲一常規賽得分王的蔡再懃，去季在南青表現突出，今季獲提拔至南華，首場聯賽就攻入23分，7場聯賽「埋單」場均亦有10.4分進帳，成為陣中一路奇兵。在球會表現可人，「阿懃」近年亦開始入選港隊，打過粵港盃及東亞錦等賽事，籃球生涯的目標逐個實現，然而「阿懃」心中仍有夢想未圓，就是要奪得個人首個甲一總冠軍！
去仗南華在季後賽首場迎戰標準福建，是「阿懃」首次出戰季後賽，在球隊輪換下，他攻入全隊最高的14分，盡顯得分王本色，昨晚他亦協助球隊贏波殺入總決賽，離這個冠軍夢已愈來愈近：「依家感覺好興奮，我打咗3年都未入過總決賽，好希望趁自己年輕拎多啲冠軍，尤其係首個總冠軍！我相信總決賽時我唔會緊張，因為我有超級工商盃同銀牌嘅經驗，希望打出水準，保持狀態向夢想邁進。」