女子組吼實「蛙后」張栩慇
今日上演的男飛魚大戰，焦點泳手落在九龍華仁的孫為倡與喇沙書院的林浩賢身上，兩人將在50米自由泳短兵相接，孫為倡現保持23.47秒學界紀錄，仲會兼項鬥埋50米蝶泳，而林浩賢因為「星媽」曾華倩的緣故早已紅遍學界賽場，這場激戰肯定精彩。
女子賽事就要睇實「學界蛙后」張栩慇，就讀德望學校的她是第五屆亞洲中學生游泳錦標賽50米及100米蛙雙金得主，今日又要睇佢表演，背泳方面男子組有新星鍾卓熹，女子組就有黃筠陶，兩人都是奪標大熱，仲有好多學界精英準備突圍，希望在學期結束前做齣好戲，場面肯定好熱血。