南韓模特兒之所以令男士一見傾心，除咗因為佢哋外形夠索，同埋身材有睇頭外，更在於佢哋一啲都唔會吝嗇展現火辣身材，盡情喺大家面前「騷哥利」，好似車善華咁辣得火熱，最愛騷長腿同事業線，睇到男人暈晒大浪！
雖然南韓有唔少性感迷人嘅模特兒，但有啲名字大家一定要記住，皆因佢哋代表咗模特兒界最高嘅水平，車善華就係其中一位。佢嘅出道經過同唔少模特兒差唔多，先以平面模特兒身份登場，不過佢又同一般嘅模特兒稍為唔同，事關佢初出道時已經喺平面模特兒界頗具名氣，除咗因為佢擁有甜美得嚟，又極具女人味嘅氣質之外，出眾嘅外形更係令人對佢留下深刻印象，所以好快就被模特兒事務所睇中，邀請佢成為合約模特兒，不過由於當時佢希望喺其他方面發展，故此未有答應對方。
經過一段社會工作經歷後，善華發現始終都係模特兒工作畀到佢最大嘅成功感，因此喺2010年正式加入模特兒行列，成為南韓模特兒界嘅一分子。早已擁有相當模特兒工作經驗嘅佢，家陣成為專業模特兒，表現更係令人眼前一亮，唔單止更加成熟，氣質更動人，最吸引係佢嘅身材亦變得更加誘人，尤其係迷人嘅胸前曲線，輕易捕捉男士嘅目光。之後，佢將戰線伸延到賽車女郎界，以賽車女郎身份喺首爾舉辦嘅賽車比賽中亮相，換上一身性感賽車女郎制服嘅佢，憑住玲瓏浮凸嘅身材，成為賽場上嘅焦點，一雙修長美腿更係佢嘅標誌。
喺賽車場上發熱發亮，又點會少得喺車模界散發魅力呢？之後，善華喺釜山國際車展中為汽車品牌擔任車模，呢次演出相當成功，皆因以一套連身低胸裙示人嘅佢，造型性感，全身都散發出一股女人味，觸動唔少男人嘅心。雖然人氣愈嚟愈高，但係善華並冇因此而收埋自己迷人嘅身段，反而繼續以性感形象示人，而佢每次出現總會令現場嘅熱度升溫。
正當佢喺模特兒界嘅地位愈嚟愈高，前年佢開始將工作大幅減少，有傳係因為佢健康出現問題，究竟事實係咪咁呢？原來佢唔係生病，而係希望多啲時間享受生活。對模特兒工作抱有相當熱誠嘅佢，一直以嚟都不斷鞭策自己，希望能夠喺工作上獲得更大嘅成功感，並且得到大家嘅認同，不過隨住工作量愈嚟愈多，令佢長期處於繃緊狀態，如果繼續落去嘅話，不但會令健康出現問題，更會同身邊嘅人產生隔膜，而呢樣嘢係佢最唔想嘅，因此佢決定減少工作量，同時學識享受生活，佢話只有喺工作同生活之中搵到平衡，先至係令自己變得更具魅力嘅最有效方法。
簡介：雖然車善華一啲都唔覺得自己有乜嘢值得留意嘅地方，但係佢深明男士嘅心理，總係將焦點集中喺佢魔鬼級身材上，因此只要時機配合，佢唔介意將火辣身材示人。乜嘢叫做時機配合呢？佢就話要配合番攝影同演出嘅主題。如果大家想睇多啲阿妹嘅靚相，記住Click入呢個網喇！
網址：http://cafe.daum.net/luvCSH
出生地：首爾
身高：168cm
三圍：34、23、34
撰文：魂