林樂勤父親林燦彬（Ben）年輕時候曾效力麗新及東方青年軍，早年與好友山度士合作成立車路士足球學校（香港），為港足未來育苗。自幼獲悉心栽培的「Jordan仔」感激父母支持發展所長，得以暫擱學業，專心在足球路上「Show Hand」。
爸爸是車路士足球學校（香港）總監，自幼在「車校」完善配套下成長的Jordan直言「都會有壓力」，但慶幸父母全力支持追夢：「Daddy知我同細佬鍾意踢波，佢只係想我哋兩個開心，冇要求我哋踢出成就，只係提醒我哋認定目標就要努力實現。由細到大教練亦唔會因為Daddy關係錫住我，若我做得唔好一樣會鬧，而我亦特別要求Daddy要一視同仁，出外比賽都會避忌啲。」
原就讀男拔的Jordan自言讀書成績本身不錯，惟隨着比賽漸多及出外跟操，難以同時兼顧學業與足球。眼看同齡隊友正為DSE搏殺，Jordan慶幸「避過一劫」之餘，決心先專注足球發展：「之前港隊U18邀請賽，好多隊友要溫書練唔到波，佢哋計劃考完試後先再決定前途，我就會先畀自己1年時間，畢竟運動員生涯短暫，讀書幾時都得。」