重演輕鬆12碼陳18最深情剖白
《友人飯聚》頭兩集嘉賓都分量十足，第一集就邀請到冠忠南區主教練鄭兆聰，平時大家喺球場見到嘅「南美聰」好嚴肅，但原來球場外嘅佢，十足十大細路，好玩得。呢集「南美聰」就同大家分享佢喺哥斯達黎加嘅往事，同埋甚少公開提及嘅太太，內容幾吸引！
第二集嘉賓就係好多球迷好鍾意佢，亦有好多好憎佢嘅「天使魔鬼混合體」、依家由「陳7」變咗做「陳18」嘅陳肇麒。好多人都覺得「肇麒」「串串貢」，查實佢既玩得又好人，仲全無架子。其中畀球迷笑到依家嘅「輕鬆12碼」，「肇麒」更喺呢集案件重演添！面對網民嘅種種批評，「肇麒」即時喺鏡頭前回應。呢集一出街之後好大回響，好多球迷朋友都話睇完對「肇麒」改觀。未睇嘅朋友快啲上on.cc東網重溫喇！
