狄恩智取R&F富力南華贏波返第3

南華1：0R&F富力
南華射手高美斯（右）射中楣堅冇運。

「少林寺」南華今場賽事收起中堅保贊，盡用4名外援強攻，隊長陳偉豪鎮守後防，中場改由朱兆基「派牌」，開賽8分鐘內高美斯頭頂腳踢兩度攻門，可惜未能命中目標，反觀R&F富力攻勢不多，南華狂攻下終於在33分鐘打開紀錄，艾華禁區勁射破網成1比0。

陳偉豪復出感覺良好

易邊後64分鐘，富力換入王牌射手卓耀國，對南華後防構成威脅，幸好狄恩立即應變，換入卡路士及林學曦穩住局面。68分鐘高美斯再有破關機會，可惜射中楣角彈出，相當欠運。

艾華（左）為南華一箭定江山。	陳肇鈞（左）正選登場。	昨日氣溫急降，R&F富力球員於後備席用毛氈暖身。

賽事末段，R&F富力有多次攻勢，補時兩次攻門最有威脅，其中卓耀國近門射高痛失扳平機會，最終南華以1比0小勝而回。狄恩表示：「球隊今仗主導賽事，贏波合理，美中不足是入球數字稍低而已。」

隊長陳偉豪休戰5場後復出，他表示自己傷愈後感覺不錯，認為球隊仍有進步空間：「其實我們表現不差，5位後防球員都有質素，中前場亦有個人能力，只是進攻上未能找到方法撕破對方密集，這方面必須多訓練來解決問題。」