港會R＆F富力搶分激砌
港超聯今晚爆發護級大戰，由「大枱客」港會主場迎戰R&F富力。兩軍現居榜下游危險位置，港會位居榜末，R&F富力則排尾3，今仗勝負對榜末形勢有關鍵性影響，預計港會憑藉「私家場」地利會主動搶攻，務求於這場「6分波」中全取3分，且看R&F富力頂唔頂得住。
（on.cc東網周五晚8時直播）
聯賽進入次循環中段，港會以12戰僅得3分包尾，今季所有淘汰賽已告出局，餘下時段將全力為護級而戰。不過他們始終是業餘性質，實力有限，近3場聯賽面對東方龍獅、九巴元朗及冠忠南區等勁旅悉數落敗，共失16球而未能入球，但相信劣績不會打擊士氣，因為「大枱客」踢波從來都係快樂足球，絕對冇壓力，今仗只要擊敗同級對手R&F富力即可扭轉形勢，肯定搏晒命。
R&F富力暫於聯賽取得兩場勝仗，其中一場正正是首循環以1比0小勝港會，優勢並不明顯，該隊近期接連於聯賽及菁英盃大敗於班霸東方龍獅腳下，兩仗共失13球但亦攻入2球，今晚肯定希望在港會身上爭取勝仗「止瀉」，不過勝負關乎護級形勢，加上作客環境，對R&F富力或會添一定壓力。
米高堪士卓耀國鬥射術
其實雙方射手今仗同樣扮演「關鍵先生」，港會就要睇實前鋒「10號仔」米高堪士，這位正職為香港國際學校教師的27歲前鋒，門前觸覺敏銳，球隊今季在聯賽僅攻入6球，其中4球就是由米高堪士取得，稱得上是港會得分泉源；至於R&F富力的23歲港將射手卓耀國今季表現大勇，球隊在聯賽攻入8球，卓耀國佔去其中5球，兩人在全隊得分比率同樣超過6成，且看他們能否在這場護級大戰交出「士哥」，帶領球隊取得寶貴3分！