Carrie LaChance情迷高踭鞋

泰國妹爆奶嚇親紋身師段片大家一定睇過,而全球好多網友都話對奶超假,無理由紋身師Feel唔到喎!吓,大波就等於假奶?咁點先為之真呢?美國裸模Carrie LaChance嗰對32DDD超級巨奶,大家又認為係真定假呢?

後天加工

依家啲人真係好矛盾,接受囡囡打假波,但當見到對波大得過分時又話好假,所以你話係邊個有問題呢?因此打假波嘅囡囡唔使太在意,亦唔使理啲閒言閒語。好似美國裸模Carrie LaChance咁,31歲年紀都唔細,但係佢今日仲企穩裸模界,理由係阿妹唔怕畀人指指點點!

早喺2007年出道嘅Carrie LaChance,未當裸模前志願係做演員或歌手,所以佢報讀多個美容課程,希望扮得靚靚出街被星探發掘。機會係留畀有準備嘅人?Sorry!呢句說話只係安慰你繼續努力而已,Carrie妹等足3年都冇人留意佢,於是佢放棄發明星夢,轉型做化妝師,及後膽粗粗自薦入行做Model,拍咗個廣告之後就冇嘢撈。為求上位,Carrie唔單止執靚個樣,仲僭建到32DDD,以為走性感路線有運行,殊不知被定型做裸模,佢表示嗰日為一間餐廳拍攝廣告,餐廳老闆娘見佢上圍咁堅挺,事後主動介紹佢入行做裸模,阿妹亦覺得不失為一個好機會,於是展開拍寫真生涯!

公諸同好

可惜世事冇咁順風順水,Carrie嘅處女寫真出街後,外界對佢嘅反應都係一個字—假,認為阿妹嘅上圍太假太硬,但唔好忘記,美國人出名愛大波,Carrie妹之所以咁做無非係順應潮流啫!開咗個頭但得不到認同,有人會選擇逃避,Carrie反而覺得係一種激勵,佢接受傳媒訪問時話大眾愈唔接受巨咪,佢愈要剝畀大家睇,期間更激發佢瘋狂愛上穿高踭鞋,皆因佢覺得着高踭鞋,女人味零舍濃烈,連佢睇自己嘅寫真都有高潮咁話!

跟住Carrie開個人網站,自拍寫真掟上網公諸同好,亦即是話佢嘅心態唔係為咗上位,純粹係自我欣賞同迷戀高踭鞋而剝衫晒波,因此阿妹唔理外界對佢嘅批評,反而乜都唔理,剝得更放,亦因為咁而走紅,人氣不斷爆升。Carrie仲話,全球超過180個國家嘅網友瀏覽過佢嘅個人網站,每月超過60萬次瀏覽量,話搵唔到食你都唔信啦!上咗位嘅Carrie更成立個人製作室ArchEnemys Studios,幫自己拍寫真之餘,仲簽埋新人搵食,喺呢10年來阿妹已拍攝超過10萬張寫真,厲害!難怪Carrie話其實早就可以退下火線享受人生,無奈對高踭鞋嗰團火仲未熄,所以會繼續拍寫真,至於巴打有冇興趣睇,乜你認為佢會在意咩?

精彩推介

簡介:Carrie LaChance嘅寫真只要上網一Search,多到你睇唔晒,不過想了解阿妹多啲,推介你去官方網站,除咗有專業寫真、自拍短片之外,Carrie妹仲會寫吓Blog,分享人生道理同講吓高踭鞋潮流,有嘢睇有嘢學,正!

網址:https://carrielachance.com/

Carrie LaChance's Profile

出生日期:1985年4月30日

三圍:32DDD-24-34

身高:163cm

撰文:祖