細榮腸穿窿影響復工
今季北上出任R&F富力領隊兼助教的梁志榮，自本月5日球隊作客大埔運動場一役未有現身後，便一直未見其蹤影，一度惹來外界測猜「細榮」已步梁家希和張國明兩員港將後塵。但實情是「細榮」在球隊作客大埔前，腹部劇痛難奈，到醫院照X光及腹腔掃描後，發現大腸嚴重發炎，穿了個大窿，要即時接受手術，如果不及時治理會有生命危險！
經過10日的休養後，手術後的「細榮」已逐漸康復，但卻要開始為另一件事煩惱。「我差啲做咗『周紳士』（即周身屎）呀！都唔知發生咩事，嗰日想出門口突然痛到黐筋，頂唔順去醫院先知咁大鑊！醫生話要覆診後先知要抖幾耐，有可能同我啲飲食習慣有關。」那麼會否影響他北上復工？「唔知o架！睇吓醫生點講先啦！講真我梗係唔捨得，話晒大家共事咗大半季。但命仔緊要無得夾硬嚟。」
至於今晚的護級大戰，「細榮」可會到場？「我好想去球場支持班手足，不過唔緊要，去唔到咪睇《東網》直播囉！哈哈！」仲識講笑，應該無大礙啦！