基瑾：紅軍英軍要時間

偕麥達莫訪港同學生交流

奇雲基瑾和麥達莫係應英基學校協會（英基）成立50周年邀請來港，前日到港並於昨午抵達香港大學何鴻燊體育中心，與英基學生見面。基瑾其後接受訪問時指自己35年前曾經來過香港，今次再來覺得變化很大。作為紅軍名宿，基瑾對紅軍有以下看法：「紅軍正在不斷成長，但今季未係時候攞冠軍，但將來一定可以。」至於紅軍現時哪位球員最重要，基謹毫不猶豫指出係中場菲臘比古天奴。

至於對英格蘭國家隊的睇法，基瑾表示雖然自1966年後英格蘭未曾贏過大賽冠軍，但球隊正不斷進步而且有不少好球員，就算兩年後俄羅斯世界盃未必爭取到好成績，但之後的世界盃應該會有一番作為。自2008年9月離開紐卡素後，基瑾未有再執教任何球隊，當被問到會否技癢考慮重出江湖時，基瑾斬釘截鐵表示：「不會，絕對不會，我很享受現在的生活。」基瑾和麥達莫其後再與現場小朋友簽名和合照，直到滿足所有小朋友才離開，之後再轉往出席分享會。基瑾和麥特莫將會在周四出席慈善晚宴後離港。