奧蘇7度捧盃威過亨特利
奧蘇里雲7奪大師賽冠軍，正式超越亨特利！「火箭」於香港時間昨天凌晨於桌球大師決賽撼佩利，雖曾一度落後局數1比4；但之後佩利大意打失紅波放生火箭，給他連贏7局反超局數8比4，最終火箭以總局數10比7殺敗佩利，歷史性第7次捧走大師賽冠軍及20萬鎊獎金（約193萬港元）。
受病魔困擾的奧蘇里雲於今屆賽事其實發揮一般，戰至4強僅勝傅家俊，入決賽可謂歷盡艱辛。佩利一向非大型賽事決賽常客，但今次賽事擊敗丁俊暉，於4強亦奇迹反勝鶴健士，面對奧蘇毫無畏懼，一度領先至4比1。火箭之後發力，於首節追成4比4平手；跟手4局佩利精神不夠集中，成就火箭大爆發再直落贏多4局，領先至8比4奠下勝基。奧蘇於第15局，打出一Cue112度贏出，最後順利以10比7解決佩利成功衞冕。上屆奧蘇奪冠，以6次冠軍追平亨特利紀錄，今次再度掄元，令奧蘇成歷史上最佳「7冠王」。
Marco獨取最高度數獎金
奧蘇里雲贏出後，即時咬甩球桿Tip頭，更開心到好似細路仔一樣狂錫獎盃，「火箭」表示：「佩利於今次賽事打得好好，係一個好難纏嘅對手，可以擊敗佢實在有幸運成分。由細到大我都對大師賽有特別感情，估唔到可以7奪冠軍。」至於今次比賽曾造出6次「Century」的香港球手傅家俊，亦憑4強一Cue 141度最高度數，獲得1萬鎊（9.6萬港元）獎金。