新年好多人都鍾意着到紅噹噹，希望攞個好意頭，由年頭旺到年尾。而喺日本寫真界亦有一位極品寫真女郎鍾意着紅色衫，早前推出寫真映像新作就以一襲開胸火紅色衫做封面，佢就係前SKE48成員佐藤聖羅，即刻同大家欣賞一下阿妹點樣紅法先！
日本寫真界美女如雲，呢班美人兒來自不同職業界別，有賽車女郎界，亦有體育界，好似高野人美母、四元奈生美、淺田舞等，拍寫真前都係運動選手。近年亦有好多來自歌唱界嘅後生女紛紛轉行拍寫真，好似今日為大家介紹嘅佐藤聖羅。
今年24歲嘅聖羅雖然年紀輕輕，面上卻有股成熟韻味，加上五官標致，散發出一派迷人女人味。外界稱呼聖羅做美人魚嘅原因，除咗因為阿妹本身的確係靚女，亦因為佢泳術出眾，一入到水就好似人魚咁自由暢泳。擅長游水唔單止為聖羅贏得美人魚稱號，更加令阿妹身材結實又苗條，擁有陽光感覺嘅古銅色肌膚之外，胸前對G奶大得嚟彈性十足，而且堅挺迷人，呢副胴體冇得頂。
聖羅喺2008年成為SKE48初代成員，老實講阿妹初出道時個樣真係唔多掂，不過隨住時間過去，阿妹個樣愈執愈靚，嗱！我冇話佢整容呀！我係指化妝上面有改進咋！此外，聖羅嘅身材亦愈來愈激凸，故喺2014年從SKE48畢業後以個人身份發展，順勢就去拍水着寫真一展驕人身材，及後參加選美活動「Miss Action 2015」仲力壓其他對手成為冠軍添！
聖羅喺寫真界咁搶眼好可能同佢鍾意着紅色衫有關，好似佢最近推出嘅寫真映像作品《Intimate Affairs》咁，封面就見到阿妹着住開胸火紅色衫喇！另一方面，聖羅上年主演嘅電影《電鋸少女血肉之華》亦一樣夠晒「紅」，因為劇情相當血腥！喺片中聖羅飾演爆谷小百合，全身都係武器，三角地帶可以射出飛彈，對於聖羅嚟講呢個角色相當具挑戰性，亦可以話係佢出道以來最激一次！好彩，玩到小妹妹放飛彈咁激都冇破壞形象，更加被人大讚態度專業，相信聖羅會愈做愈紅！
簡介：佐藤聖羅近期忙於為宣傳寫真映像作品四圍同粉絲見面，仲換上水着畀粉絲影個夠本，想睇吓聖羅套水着有幾性感誘人，就要Click上佢嘅Twitter喇！
網址：https://twitter.com/0430seira?lang=ja
年齡：24歲
身高：5呎1吋
三圍：34G-24-34
撰文：賢