堅毅少爺仔陳肇鈞不再任性
陳肇鈞（Philip）一直是球迷眼中的「少爺仔」，背後意思其實話佢「唔捱得」，不過有些事情唔捱過永遠唔會成功，例如踢波，仲有讀書。Philip仔早前在fb上載戴四方帽照片，苦讀5年的港大課程終於畢業，回想這幾年邊讀書邊踢南華及港隊，實在是非人生活，他說大學畢業是自己人生一個階段的完結，不再任性正式做大人。
冠軍騎師老竇栽培
陳肇鈞父親是前香港冠軍騎師陳柏鴻，Philip仔14歲遠赴巴西甘美奧受訓，對於自己的出身背景，陳肇鈞表示：「我是陳柏鴻之子，自小得到父親栽培，保送我去巴西甘美奧受訓，但我的生活過得很平淡，和普通人沒分別，一樣會去快餐店，食25元一個餐。」自踏足球圈開始，一直踢波讀書兩邊兼顧，先後踢過深水埗、橫濱FC（香港），2013年加盟南華，期間攻讀香港大學運動科學系，一讀就讀了5年，經歷過迷失、掙扎，更想過放棄。
捱5年苦戴四方帽
「最初報讀這個學位，皆因很多課程內容都同運動員相關，自己的心態一直是踢波為主，讀書為副，但當自己在足球上開始有表現，情況就開始失控。」陳肇鈞指出，踢波、讀書兩邊兼顧，出外比賽時就最容易「出事」，尤其加盟南華3年來，每季都有亞協盃，要飛來飛去，加上港隊比賽，可謂頻密無休止：「當年和我一齊起步的同學早就畢業了，只得我一個人孤軍作戰，由於賽事頻密，因此必須申請延長課程，一有空餘時間就閉關鋤書。」
同時在兩條戰線奮戰，陳肇鈞一度迷失：「最難捱是不感興趣的科目，曾問自己『讀呢啲為乜？』其實我可以放棄唔讀，專心踢波，但我不是半途而廢的人，幾辛苦都捱埋佢。」
畢業一刻，Philip仔坦言感覺就像在籠牢中脫困一樣，自由自在，他說：「離開校園，感覺自己正式做大人，不能再任性，要負責任，最重要的是，我可以專注我最心愛的足球。」
陳肇鈞
暱稱：Philip仔
出生日期：1992年8月1日(24歲)
身高：1米74
位置：防中
球會：南華