亞洲足協Ban咗傑志冠忠南區空歡喜

同賀歲盃撞期 今交代始末

「無論係為咗亞冠盃分組賽定賀歲盃，我哋都已經做咗好多嘢，依家咁的確令我哋大失預算。其實事件係可以避免，有人要為事件負上全責！」傑志會長伍健道。傑志今日早上會向傳媒交代事件始末。

東方龍獅季初向足總董事局入信，表示放棄出戰亞洲賽後，董事局決定由港超聯亞軍傑志，以及季後附加賽亞軍冠忠南區，代表香港出戰新一屆的亞洲賽。之後一直再沒有相關代表資格的消息傳出，傑志和冠忠南區亦各自為接受新挑戰做準備，據悉包括增兵及出外集訓，期間亦無間斷與足總開會，研究參賽作客球隊之安排，以及派員出席下月假亞洲足協馬來西亞總部舉行的賽事抽籤儀式等等。

或對足總作出處分

可是，昨日傳出亞洲足協不會接受傑志和冠忠南區之參賽申請，並可能就事件對足總作出處分。東方龍獅放棄的亞冠盃分組賽席位，很大機會由澳洲頂上，傑志維持出戰亞冠盃資格賽第二圈，冠忠南區則空歡喜一場。為此，之前多次與足總就亞洲賽開會，積極協助主帥鄭兆聰增兵的冠忠南區副主席黃焯添無奈表示：「仲可以講咩呢？我只想講，有心搞足球嘅人唔係太多，如果搞到佢哋無癮搞喇，到頭嚟係邊個嘅損失？唔通我哋好恰啲！」