志堅嘅德國女友Josefine今年22歲，仲係一位學生，攻讀緊網上平面設計學位課程，所以可以嚟香港居住。Josefine話佢人生從未離開過漢堡市，今次來港會好好照顧志堅起居，佢話香港畀佢好新鮮感覺，而且香港人同香港美食畀佢印象相當好，留喺香港會係一件賞心樂事。
Josefine年紀輕輕，原來廚藝非凡，志堅爆料，話佢喺漢堡出名煮嘢食叻，擅長多種美食，最拿手煮嘅係德國名菜Schnitzel（炸小牛肉片）。除咗令志堅大飽口福外，Josefine仲係一位難得嘅聆聽者，有足夠耐心聽佢盡訴心曲，難怪志堅視佢如珠如寶。
