呢啲腿有得睇冇得舔

腿呢樣嘢真係唔可以亂舔,如果亂咁舔,真係賴晒嘢!不過鍾意美腿係人嘅天性,有外國研究指,不論男女都鍾意睇既修長又夠直嘅美腿,而以下呢啲腿絕對一流,只係大家眼看口勿動,最多舔吓脷好喇!

長人風潮 綾乃梓

人高自然腿長,只係腿長並唔代表佢夠高,講到日本AV界嘅既生得高,又有美長腿嘅女優,唔可以唔提於1983年6月15日,喺日本櫔木縣出生嘅綾乃梓。呢位身高達178cm嘅AV女優,2004年出道時憑住鶴立雞群嘅身高而備受注目,更掀起AV界長人女優風潮。不過佢嘅崛起卻令AV片廠相當頭痕,因為佢實在太高,着埋高踭仲高,所以好難搵到同佢配敵嘅男優做對手。

美腿之霸 大場由

雖然現今AV界有唔少美腿女優,但講到現今美腿首選,當然係非大場由莫屬。呢位喺1987年6月7日於日本滋賀縣出生嘅女優,170cm嘅身高同時擁有一對修長美腿,因而喺2012年出道冇耐,便被AV界冠以「長身的模特兒體形美少女」外號。除咗對腳既長又白外,佢副身材亦相當火辣,加上清秀嘅樣貌,引爆男人嘅邪念!

靚腿索模 香川沙耶

九頭身美女嗰對長腿所帶嚟嘅魔力,令男士為之動容,如果面前嗰位係十頭身嘅話,咁又點呢?1994年12月27日出生,日本同菲律賓混血兒嘅時裝雜誌模特兒香川沙耶,就係現今日本美腿嘅標誌性人物。身高170cm嘅佢擁有十頭身嘅比例,足見嗰對美腿長得幾咁誇張,難怪佢喺去年參加「日本最佳身材2015關東大會」時,評判畀佢200分滿分。

誘腿聲優 戶松遙

唔知聲優戶松遙係邊個?呢位日本超人氣美腿聲優,曾經為多套人氣動畫角色配過音,當中包括《妖怪手錶》男主角天野景太、《刀劍神域》女主角亞絲娜、《魔奇少年》女主角摩爾迦娜等。1990年2月4日出生嘅佢,15歲參加「Music Ray'n 超級聲優選拔」奪冠後,正式喺聲優界出道。2009年獲得聲優獎新人女優獎,同年以聲優團體「Sphere」團員身份展開偶像活動,形象由當年嘅純情少女變得成熟之餘,喺去年推出嘅寫真集《I may Me》中,更以性感造型示人,展現美腿魔力。

美腿寫真 《大腿寫真館》

日本嘅寫真題材真係乜都有,唔想睇樣齋睇腿嘅話,有日本「大腿色影師」之稱嘅YURIA(ゆりあ),喺2015年2月推出以少女大腿為主題嘅寫真集《大腿寫真館》。書中收錄咗各種美少女嘅美腿,仲有大量小腿同大腿嘅特寫。不過點解佢咁鍾意大腿呢?佢冇講,只係知道佢每年都會喺兩個唔同嘅地方舉辦名為「大腿寫真館展覽」嘅攝影展,以過千張大腿相全方位將參觀者包圍,等大家陷入呢個大腿樂園。

名人有獎 Clarino美腿大賞

以前成日話日本女性對腳好粗,不過家陣就有唔少美腿,仲有皮革產品商喺2003年首次舉辦美腿頒獎禮「Parcassio美腳大賞」,2011年時改名為「Clarino美腿大賞」。常設獎項有三個,分別係「20代部門」(20歲至29歲)、「30代部門」(30歲至39歲)及「40代部門」(40歲至49歲),仲有非常設嘅特別獎。不過唔係每位美腿日女都可以參選,因為大會只會頒畀擁有美腿嘅日本女名人,人氣女優廣末涼子、優香、米倉涼子、上戶彩、武井咲等,都曾經拎過呢個獎。

點解長腿咁吸引?

唔少人認為男女之所以鍾意睇長腿,皆因想用視覺掃描大腿嘅盡頭,不過呢種講法並唔能夠全面解釋長腿對男女所帶嚟嘅魔力。近年有專家從人類嘅成長期作出分析,指出男女隨住發育,不但性徵會變得成熟,腿部亦會隨之而變長,而長腿正正係代表佢哋發育完成,是以對異性嚟講有莫大吸引力。不過吸引力還吸引力,若然對於長腿過分迷戀,並且只有靠腿先至可以到達性高潮嘅話,呢種叫做戀腿癖。

撰文:魂