少年成名的楊賜麟未嘗入選大港腳，近年位置更愈打愈後，但其細膩技術卻深得5人足球發展經理曾偉忠（招積）青睞，更從5人足球發掘「食腦」樂趣，對重覓場上第二春有極大幫助。
1989年出生的「賜B」曾是奧運隊主力，前鋒出身的他因當時奧運隊缺乏中堅，被迫與曾錦濤拍檔扼守中路，近年又轉型踢閘，除了門將以外幾乎所有位置也試過。回想同齡隊友際遇各異，慶幸未被淘汰的「賜B」拒絕歸咎近年入籍兵影響本地球員發展，反而從5人足球啟發新思維：「最初我都唔識踢5人足球，直至有場對澳門入咗3球，當堂啲火返晒嚟！5人足球比起11人足球要求腦筋更靈活同夠快。呢幾年隨5人隊出外比賽，見到唔少外國球隊都將5人足球戰術發揮落11人足球，但係香港呢方面反而意識一般，自己都想將所學知識融匯貫通。」「賜B」近季的美妙助攻與入球不時「估佢唔到」，難怪他的恩師兼標準灝天教練招重文也笑言：「天才係要有少少黐線先識踢波。」