躁爆標準流浪奇迹護級
昨日煞科戰火花四濺，即使聯賽冠軍已定，東傑雙雄依然踢出火，為傑志先開紀錄的艾力士向東方中場迪高開月爭被逐，後者其後也兩黃一紅，提早返入更衣室換衫慶祝。傑志總領隊伍健賽後罕有地於facebook炮轟球證執法。標準流浪主場3比2險勝香港飛馬的護級關鍵戰，同樣踢到「見紅」。
標準流浪奇迹憑對賽成績力壓灝天黃大仙逃出生天，每名球員獲會長莫耀強發放1萬元獎金，惟球證執法卻觸發流浪怒火，一度醞釀拉隊罷踢。事緣流浪先有入球功臣卓耀國74分鐘遭飛馬後衞方栢倫拉跌後報復，隨即直接領紅被逐，當時流浪仍領先3比2，惟戰至79分鐘，為流浪梅開二度的連卓思回防時手球，阿杜域主射12碼雖中柱宴客，卻引發兩軍衝突。流浪總監李輝立一度衝入球場控訴球證，擾攘近3分鐘才繼續比賽。
李輝立怒斥球證不公
流浪最終保持勝局自救護級成功，幾乎由功臣變罪人的法國射手連卓思直言鬆一口氣，無奈一眾高層卻難掩怒火。被球證出示紅牌趕上看台的李輝立強調「只係叫球證冷靜啲先吹」，卻怒斥球證執法水準影響班主搞波意欲，提到賽前解約的巴西門將保羅及後衞莫斯奧，依然餘怒未消：「作為球員應該羞恥，季初我哋有最好華人人腳（李志豪），又全力滿足外援要求，唔似黃大仙班費只係我哋三分一，咁都要踢到護級，點去面對老闆同贊助商？再搞落去都係為咗栽培新人，好似今場一班後生仔算係打到風格出嚟。」