一直以為綠色環保有機健康生活嘅首要條件，就係要少啲用膠，但係當人愈大卻發覺膠原來無處不在。不過此膠不同彼膠，而係指膠人、膠事、膠劇等，此外，喺情色字典中有好多同膠及Rubber嘅俚語，任你點避都冇得避。
安全性行為最緊要大家笠，而笠嘅就係安全套。喺好多人眼中，安全套嘅英文應該係Condom，喺英語世界中，仲有一個日常口語用嘅稱呼，就係Rubber，亦即係橡膠。理由好簡單，因為西方人誤以為安全套係由膠所製造，故此以訛傳訛叫安全套做Rubber。除此之外，仲有Rubber Goods、Rubber Duck、Rubber Sock、Rubber Johnny等嘅稱呼，統統都係安全套嘅代號。至於安全套係由乜嘢料製造嘅呢？答案係乳膠，英文係Emulsion。話說喺1839年，美國商人Charles Goodyear發明橡膠硫化技術，從此成為安全套嘅最佳生產原材料。1855年生產出全球第一個安全套，幾年後全球有幾間橡膠公司大規模生產安全套，自此以後，便慢慢普及。
情趣用品界有隻著名情趣黃膠鴨，名叫「I Rub My Duckie」，由美國產品設計師Tony Levine設計，由佢所成立嘅情趣用品公司Big Teaze Toys於1999年推出呢款震動式情趣玩具，過癮之處在於鴨仔尾部設有3種不同震速，帶畀玩家無比快感。據Tony解釋設計靈感源自人氣玩具小黃鴨（Rubber Duck），隨住鴨仔大受歡迎，其後推出「Bondage Duckie」系列及「Paris Duckie」系列，外形同顏色都變得更加豐富。
戀物癖中有種迷戀膠衫、膠褲、膠面具嘅戀膠癖，為咗滿足呢種癖好嘅四仔迷，唔少四仔都以膠作為主題，當中最具人氣嘅作品係喺2009年7月推出嘅《The Portal 3 - Steffy's Rubber Adventure》，由著名女四仔導演Isabella Sinclaire執導，並親身上陣，再搵嚟脫星January Seraph同Steffy兩位脫星一齊上陣，憑住超感觀嘅傾情演出，加上運用大量膠物，喺2010年第27屆AVN頒獎禮中，獲得最佳愉虐及最佳特殊系列四仔兩項提名。故事講述男主角拯救咗兩位索女Isabella同埋January，從此兩女甘願成為對方嘅性奴。原來男方對膠有特殊癖好，於是兩女連同由Steffy扮演嘅人形膠公仔，以滿足主人嘅需要。
經過後天加工嘅車頭燈，俗語稱做膠奶或假波，喺日文中叫做「がせパイ」，「がせ」有偽造同假嘅意思，而「パイ」則係指乳房。雖然現今整形技術發達，但仍然有蛛絲馬迹可以搵到假波嘅證據，而喺日本AV界中，亦有唔少出名打假波嘅女優，若宮莉那就係其中之一，喺1985年6月1日於東京出生嘅佢，於2007年出道，處女作係《I Cup×薄格 新人最後一分鐘馬賽克》。縱然佢被片商打造成擁有I罩杯嘅巨乳女優，但係一眾眼利嘅AV迷就懷疑佢打假波，其後有人發現佢出道之前，曾經打住G罩杯巨乳女優之名推出寫真，跟住唔少人喺佢嘅AV作品中，發覺對車頭燈離奇地反地心吸力。不過，若宮莉那懶理被人話打假波，繼續拍AV界之餘，仲兼職做脫衣舞孃。
撰文：魂